ЖОО-да академиялық адалдық мәдениетін қалыптастыруға және оқу процесінде ашықтықты қамтамасыз етуге бағытталған дәстүрлі «Таза сессия» науқаны өтеді. Шараның мақсаты-студенттердің емтихан тапсыру кезіндегі  жауапкершіліктерін арттыру . Емтихан барысын «Саналы ұрпақ» жобалық кеңсесінің қолдауымен студенттер арасынан 30-ға жуық еріктілер бақылайды. Олар сессия кезінде қосымша парақтарды, телефон құрылғыларын тексереді. Сессия алдында СҚО сыбайлас жемқорлыққа қарсы қызметінің Академиялық адалдық қағидалары туралы және сыбайлас жемқорлық құқық бұзушылықтардың алдын алуға бағытталған сауалнамалар жүргізіледі. «Таза сессия» науқанын жүйелі түрде өткізу білім алушыларды тәртіпке шақырады сондай-ақ, емтихандарды адал және парасатты өткізуге ықпал етеді. Акция емтихан кезеңі аяқталғанға дейін жалғасады. Сессияда барлық білім алушыларға сәттілік тілейміз!

Даниил Герасимов академик Ш.Есенов атындағы Ғылыми-білім беру қорының (Yessenov Foundation) жыл сайынғы байқауының жеңімпазы атанды. 2025 жылы гранттарды Қазақстанның түкпір-түкпірінен ең перспективалы 10 студент пен жас зерттеушілер ғана алды. Іріктеу бакалавриат, магистратура, интернатура студенттері, сондай-ақ жаратылыстану және техникалық ғылымдар саласында жұмыс істейтін ғылыми қызметкерлер арасында өтті. Жеңімпаздар академиялық жетістіктер, зерттеу тәжірибесі және Қазақстан Республикасында ғылымды дамытуға ынталандыру негізінде анықталды. Даниил Аризона университетімен қос диплом бағдарламасы аясында «Биотехнология» мамандығы бойынша 3-курста оқиды. Байқаудағы жеңістің арқасында біздің студент 2026 жылдың жазында өзі таңдаған жетекші шетелдік зерттеу зертханаларының бірінде 90 күндік ғылыми тағылымдамадан өту мүмкіндігіне ие болды. Yessenov Foundation бағдарламасы ғалымдардың жаңа буынын қалыптастыруға және әлемнің жетекші университеттерінің PhD-бағдарламаларына түсуге жас мамандарды даярлауға бағытталған. Атап өткен жөн, 10 жеңімпаздың 9-ы ұлттық және зерттеу университеттерінің өкілдері. Ал Даниил жоғары бәсекелестікте, Қозыбаев университеті студенттерінің жоғары дайындық деңгейін көрсетіп, бүкіл Қазақстан бойынша үздік он қатысушының қатарына кірді. Даниил Герасимов оқуда және ғылыми қызметте тұрақты жоғары нәтижелер көрсетеді. 2025 жылдың жазында профессор Джесси Полландтың Король Абдалла атындағы ғылым және технологиялар университетіндегі (KAUST, Сауд Арабиясы) зертханасында екі айлық ғылыми тағылымдамадан өтіп, құнды халықаралық зерттеу тәжірибесін алды

Қысқы сессия қарсаңында университеттің Психологиялық қызметінің мамандары емтихандарды өткізуге қатысатын сарапшылар мен еріктілер үшін семинар өткізді. Іс-шара сессияны ұйымдастыруға қатысты студенттердің сауалнамаларын талдау бойынша Стратегия және даму департаментінің бастамасымен өтті. Қатысушылар студенттердің психологиялық ерекшеліктері мен білім беру ортасында тиімді қарым-қатынас құру  және емтихандар кезінде эмоционалды күйзелісті жеңудің практикалық әдістері туралы білді. Мұндай шаралар оқытушылардың емтихандарға дайындықтарын жақсартуға, студенттерді қолдау жүйелерін нығайтуға көмектеседі. Университеттің психологиялық қызметі академиялық қауымдастықтың психологиялық әл-ауқатын қолдау бойынша жүйелі жұмысын жалғастырады.

Жоғары оқу орнында  «Foundation» факультетінде тыңдаушыларды факультет қатарына қабылдауға арналған «Welcome to Foundation: Бірлік пен білімге алғашқы LIKE!» атты салтанатты шара өтті. Бұл күн Foundation факультетінің тарихындағы ерекше әрі маңызды сәттердің бірі. Жылы атмосфера, әсерлі өнер көрсетілімдері, шынайы эмоциялар мен оқытушылардың қолдауы тыңдаушыларға ерекше әсер қалдырды. Жас талапкерлер бір шаңырақтың астында бас қосып, үлкен білім жолына алғашқы қадамдарын жасады. 2025 жылы факультетке 66 тыңдаушы қабылданды, оның ішінде: 44 — шетел азаматтары болып табылатын этникалық қазақтар (ҚХР, Өзбекстан, Әзербайжан, Моңғолия) 22 — Қазақстан Республикасының азаматтары. Барлық тыңдаушыларға алдағы ҰБТ-ны сәтті тапсырып, білім жолында биік жетістіктерге жетулеріне тілектеспіз! Foundation факультетінің білім алушыларына табысты оқу тілейміз!

Қозыбаев университетінің Студенттік Үкіметінің Президенті Асанәлі Жанатұлы AMANAT партиясының «Жастар Рухы» беделді жастар сыйлығының иегері атанды. Марапаттау рәсімі Астана қаласында өтті. Оған еліміздің түкпір-түкпірінен белсенді студенттер, Қазақстан Республикасы Парламенті Мәжілісінің депутаттары қатысты. Іс-шара жас көшбасшылардың елдің қоғамдық-саяси өміріне қосқан елеулі үлестерін айқындай түсті. Асанәлі жоғары деңгейдегі көшбасшылық қабілетімен, белсенді азаматтық ұстанымы және жастар бастамаларын дамытуға қосқан елеулі үлесі үшін  «Белсенді Рухтас» сыйлығын жеңіп алды. Оған ақшалай сертификат және естелік сыйлықтар табысталды. Асанәлі Жанатұлын  лайықты марапатымен шын жүректен құттықтаймыз! Алдағы уақытта еліміздегі жастар саясаты мен көшбасшылығын дамыту жолында биік белестерді бағындырып, жаңа жетістіктерге жетуіне  толағай табыстар тілейміз!

«Көлік және машина жасау» кафедрасының меңгерушісі, техника ғылымдарының докторы Виталий Савинкин және PhD доктор, кафедра доценті Татьяна Ратушная Қазақстан Республикасы Ғылым және жоғары білім министрлігінің делегациясы құрамында, еліміздің мектеп директорлары мен бизнес өкілдерімен бірге Қытайға жұмыс сапарымен барды. Нанкин қаласында «Мектептер, жоғары оқу орындары және кәсіпорындармен кадрларды бірлесіп даярлау. Қазақстан мен Қытай – Болашақты бірге құрамыз!» білім беру форумына қатысты. Біздің ғалымдарымыз тозуға төзімділігі жоғары ЖЭС  турбиналарының аралас қалақтарын дайындаудың лазерлік технологиясын әзірлеу бойынша гранттық зерттеу жобасын іске асыру шеңберінде ҚХР-ға барды. Сапар барысында Нанкин технологиялық институтының академиялық басшылығымен бірлескен зерттеу жобаларын, мамандарды даярлаудың жаңа бағыттарын және білім беру үдерісі мен зерттеулерге инновациялық технологияларды енгізу  мүмкіндіктерін талқылау үшін кездесті. Қозыбаев университетінің көлік және машина жасау кафедрасы Нанкин технологиялық институтының көлік және машина жасау факультетімен негіздемелік келісімге қол қойды Мұндай сапарлар  студенттер мен оқытушылар үшін жаңа мүмкіндіктер ашуға, елдегі әлемдік ғылыми қауымдастыққа интеграцияланған заманауи инженерлік мектептің дамуына ықпал етеді.

Университетте «Болашақтың мамандығы» инженерлік-цифрлық фестиваль 60-тан астам колледж студенттерін біріктірді . Шара «Жұмысшы мамандықтар жылы» ұлттық бағдарламасын жүзеге асыру аясында өтті. «Біздің мақсатымыз - заманауи инженерлік салаларды танымал ету, ғылым, білім беру және өнеркәсіптің интеграциясын көрсету және жастар арасында техникалық мамандықтардың беделін арттыру болып табылады», - деп атап өтті ИСТФ деканы Қайнижамал Ықласова. Фестивальға облысымыздың 5 техникалық бағыттағы колледж білім алушылары қатысты. Оларға инженерлік және IT білім беру бағдарламалары, сондай-ақ университеттегі қабылдау мүмкіндіктері, жеделдетілген оқу және қос диплом  туралы ақпарат берілді. Биыл Қозыбаев университетіне барлығы 136 колледж түлегі қабылданды. Іс-шара барысында университеттер мен колледж студенттері қатысқан «Болашақтың мамандығы» бейнебайқауының жеңімпаздарына марапаттар табысталды. ИСТФ үздік студенттері академиялық жетістіктері, университеттің дамуына қосқан үлесі үшін сертификаттармен марапатталды. ЖИ элементтері бар цифрлық және 3D технологияларды қолдану мүмкіндіктері атты шеберлік сабағы өтті. Қатысушылар робототехника аймағында студенттердің әзірлемелерімен танысып, цифрлық инновациялар және қаламыздың тарихи сәулетінің 3D-модельдерін тамашалады.

Binance Kazakhstan компаниясы Қазақстанның крипто және блокчейн- индустриясын дамыту үшін Crypto Ideathon-2025 ұлттық онлайн идеялар байқауын бастады. Бастама студенттер мен жастарды блокчейн технологиясын зерттеуге тартуға, инновациялық ойлауды ынталандыруға және Қазақстанды одан әрі цифрландыру үшін идеялар әзірлеуге бағытталған. Барлық қатысушылар криптотехнологияларға деген сенімді арттыру үшін шығармашылық білім беру шешімдерін әзірледі. Байқаудың жүлде қоры USDC бойынша 7000 АҚШ долларды құрады. Аризона университетімен «Бизнес және менеджмент» бойынша бірлескен білім беру бағдарламасының  Тарих, экономика және құқық факультетінде оқитын Ансар Қазбеков EdFi (Education Finance) жобасын ұсынды. Ол студенттер арасындағы академиялық мотивацияны арттыруға және Қазақстан аймақтарында блокчейн технологияларын кеңінен енгізуге ықпал етеді. Қозыбаев университеті пилоттық платформа ретінде қызмет етеді. Жобаның тәлімгері «Экономика, есеп және қаржы» кафедрасының меңгерушісі, профессор Дінмұхаммед Шайкин болып табылады. «EdFi- Learn-to-Earn моделіне негізделген алғашқы университет экожүйесі. Менің жобам BNB Chain бағдарламасын білім беру процесіне тікелей біріктіреді. Бұл туденттерге жоғары GPA, сабаққа қатысу және университеттің академиялық және қоғамдық өміріне белсенді қатысуы үшін автоматты түрде токендерді береді», - дейді Ансар Қазбеков. Ансардың ұсынған шешімі бағаларды сандық активтерге айналдырады. Бұл студенттерге академиялық көрсеткіштерін жақсарту үшін тікелей қаржылық ынталандыру тәжірибесін ұсынады. Токендерді тамақтану және жатақхана ақысын төлеу үшін пайдалануға немесе Binance Pay арқылы алуға болады.