Қазақстан Республикасы Ғылым және жоғары білім министрлігі Ғылым және жоғары білім саласындағы сапаны қамтамасыз ету комитеті төрағасының бұйрығымен «Компьютерлік ғылымдар және информатика»ғылыми бағыты бойынша «қауымдастырылған профессор (доцент)» ғылыми атағы техника ғылымдарының кандидаты, АКТ кафедрасы профессорының ассистенті Кухаренко Евгения Владимировнаға берілді. Евгения Владимировна жобаларды басқарудың, Әлеуметтік және экономикалық жүйелерді модельдеудің ғылыми бағытын белсенді дамытады. Оның есебінде Scopus дерекқорына кіретін 50-ден астам ғылыми жарияланымдар бар. Сондай-ақ Erasmus+ KZ "Advanced Center for PhD Students and Young Researchers in Informatics (ACeSYRI)"халықаралық жобасын сәтті басқарды. Евгения Владимировнаны лайықты атағымен шын жүректен құттықтаймыз! Отандық ғылым мен білімнің игілігі үшін одан әрі ғылыми табыстар, шабыт және жаңа жетістіктер тілейміз!

Қозыбаев университетінің командасы Қазақстан Республикасының Президенті Қасым – Жомарт Тоқаевтың қатысуымен өткен «Қазақстан-академиялық білім беру аумағы»халықаралық стратегиялық әріптестер форумына қатысты. Басқарма Төрағасы-Ректор Ербол Исақаев Мемлекет басшысын Аризона университетімен бірлескен жұмыстың нәтижелерімен таныстырды. Президенттің бастамасы бойынша Қазақстанда әлемнің жетекші университеттерімен бірлескен білім беру бағдарламалары табысты іске асырылуда және біздің жоба осы қатарда лайықты орын алады. Бүгінгі таңда біздің бағдарламаларымызда Қазақстанның барлық өңірлерінен, сондай-ақ АҚШ, Қытай және Ресейден 1200-ден астам студент оқиды. Бұл серіктестік қазақстандық студенттерге білім берудің әлемдік стандарттарына қол жеткізуге мүмкіндік беріп қана қоймай, ғылыми зерттеулерді дамытудың драйверіне айналды. Ғылыми ынтымақтастықтың негізгі бағыттарының бірі Аризона университетінің профессоры Джеффри Пьюн жетекшілігімен Қазақстанда күкіртті полимерлеу жөніндегі алғашқы зертхананы ашу болмақ. Зерттеулер қайта өңделген күкірттен жасалған инновациялық материалдарды әзірлеуге бағытталған, бұл Қазақстанға шикізат экономикасынан – экологиялық таза пластиктерді, тыңайтқыштарды және болашақ полимерлерді өндіруге қадам жасауға мүмкіндік береді. Мемлекет басшысы негізгі міндеттердің бірі білім мен ғылымның экономиканың нақты секторымен тікелей байланысын қамтамасыз ету екенін атап өтті. «Қозыбаев университетінің Аризона университетімен серіктестігінің арқасында күкіртті инновациялық полимерлерге айналдыру бойынша озық технология әзірленді. Бұл күкірттің үлкен қоры бар еліміз үшін, өте маңызды жоба. Бұл жоба біздің химия өнеркәсібіміздің дамуына елеулі серпін береді және, ең бастысы, бірқатар экологиялық проблемаларды шешуге ықпал етеді», - деп атап өтті Президент. Біз Мемлекет басшысына осындай жоғары баға беріп, бастамаларымызды қолдағаны үшін шын жүректен ризамыз!

Астанада «Қазақстан – академиялық білім аумағы»стратегиялық серіктестерінің үлкен халықаралық форумы өтуде. Ол қазақстандық жоғары оқу орындарының басшылары мен Қазақстанда ашылған шетелдік университеттердің 33 филиалының өкілдерін біріктірді. Форумның негізгі міндеттеріне тәжірибе алмасу, жаһандық үрдістерді талқылау және жоғары білім мен ғылым саласын нығайту үшін бірлескен шешімдер әзірлеу кіреді. Оған Қозыбаев университетінің қызметкерлері, сондай-ақ Аризона университетінің әріптестері қатысты. Сондай-ақ, форум аясында Цифрландыру, академиялық ұтқырлық, трансұлттық білім беру, инновациялар және технологиялар трансфері мәселелеріне арналған панельдік және пленарлық сессиялар өтті. Іс-шараның күн тәртібінде ҚР Ғылым және жоғары білім вице-министрі Гүлзат Көбенованың төрағалығымен өткен Ғылым мен бизнесті интеграциялау тақырыбы да маңызды орын алды. Қатысушылар ғылыми әзірлемелерді коммерцияландыру және өнеркәсіптік серіктестермен тиімді өзара іс-қимыл мәселелерін талқылады. Сессия спикерлерінің қатарында біздің серіктесіміз, Аризона университетінің профессоры Джеффри Пьюн (АҚШ) болды. Күкіртті зерттеу саласындағы танымал ғалым «Құрамында күкірті бар инновациялық полимерлер: жаңа көпфункционалды және жоғары құнды материалдарды жасау жолы» ғылыми жобасы туралы таныстырды. Форумда белгіленгендей, әлемнің жетекші университеттерімен стратегиялық серіктестіктердің ынтымақтастығы білім беру сапасын арттыруға және Қазақстанның адами капиталын дамытуға бағытталған тұрақты инновациялық экожүйені қалыптастыруға ықпал етеді.

Қозыбаев университетінде ҚР Ұлттық ұлан Академиясымен бірлесіп«Дене тәрбиесі мен әскери қызметте оқытудың заманауи тәсілі мен әдістері» атты Халықаралық ғылыми-теориялық конференция өткізілді. Іс-шараға екі жоғары оқу орнының студенттері мен курсанттары қатысты. Тәжірибелі педагог-тәлімгерлердің жетекшілігімен білім алушылар ЖОО-да дене шынықтырудың өзекті тақырыптары бойынша баяндамалар дайындады: АӘД сабақтарында жалпы білім беретін мектепте тәжірибеге бағдарланған тапсырмаларды қалыптастыру, күш дайындығындағы ерекшеліктерді есепке алу, дене тәрбиесін цифрландыру, курсанттарды дене шынықтырумен айналысуға ынталандыру және т.б. «Бұл конференция біз үшін дәстүрге айналды. Өткен жылы республикалық деңгейде өткізілсе, биыл Ресей мен Қырғызстанның көрші мемлекеттерінен қонақтарды тарта отырып, халықаралық деңгейде өтті. Біздің университеттің дене шынықтыру кафедрасы Ұлттық ұлан академиясымен ұзақ уақыт бойы ынтымақтасып келеді. Бүгін конференцияға келіп түскен баяндамалардың барлығы біздің жоғары оқу орындарымыздың білім беру үдерісіне септігін тигізеді деп сенемін»,- деді  Дене шынықтыру кафедрасының меңгерушісі Артем Шитов.

Қозыбаев университеті үшінші буын технологияларын қолдануға бағытталған функционалдық геномика және биоинформатика бойынша бірегей курстар ұйымдастырды. Мұндай курстар Қазақстанда алғаш рет жүзеге асырылуда. Жоба халықаралық стандарттарға сәйкес озық тәжірибелерді, заманауи технологияларды және танымал әлемдік сарапшылардың қатысуын біріктіреді. Бағдарлама биология пәні бойынша академиялық білімі бар магистранттарға, докторанттарға, зерттеушілерге арналған. «Осы курстарды бастау үшін университет көп күш жұмсады. Деректерді жинау үшін сервер сатып алынды. Болашақта осындай бірегей курстарды өткізу мүмкіндіктерін кеңейту үшін жұмыс жасаймыз. Бұл шараға Солтүстік-батыс ауыл және орман шаруашылығы университетінің білім алушылары (Қытай), сондай-ақ, Өсімдіктер биологиясы және биотехнологиясы институты (Алматы қ.) қызметкерлерінің қатысып жатқаны қуантады», - деп атап өтті Басқарма Төрағасы-Ректор Ербол Исақаев. Бес күн ішінде қатысушылар заманауи деректер жиынтығымен жұмыс істеді және әртүрлі секвенирлеу платформаларында есептеу талдауының практикалық тәжірибесіне ие болды. «Біз генетикалық ақпаратты талдаудың заманауи әдістерімен, компьютерлік технологиялар арқылы қызметімен таныстық. ДНҚ және РНҚ деректерімен жұмыс істедік, геномдарды аннотациялау, ген экспрессиясын талдау және генетикалық маркерлерді анықтау үшін биоақпараттық бағдарламаларды пайдалануды үйрендік. Бұл тәжірибе менің кәсіби саламда - тікелей қолданылады. Олардың көмегімен өсімдіктердің қолайсыз ортаға төзімділігіне жауап беретін гендерді анықтауға; ауыл шаруашылығындағы дақылдар ауруларының қоздырғыштарының геномдарын талдауға болады»,- деді курстарға қатысушысы Айнұр Балахметова. Бағдарлама аясында игерілді: - бүкіл геномдарды секвенирлеу және оларды PacBio бойынша құрастыру әдістері; - эксперименттерді жоспарлау және сапаны бағалау құралдары мен стратегиялары; -In silico геном сипаттамаларын және басқа да заманауи тәсілдерді талдауға бағытталған. Бағдарламаны үлкен халықаралық тәжірибесі бар геномика және биоинформатика саласындағы беделді маман, профессор Андреа Зукколо басқарады. Оның кәсіби мансабына: Пиза университетінде (Италия), KAUST университетінде (Сауд Арабиясы) және алты жылдан астам уақыт бойы Аризона университетіндегі (АҚШ) қызметі кіреді. Ол зерттеу жүргізіп, Геномика институтында биоинформатика талдау тобын басқарды. 2025 жылы профессор Зукколо Қозыбаев университетінің халықаралық кампусының тобына қосылды. Курс спикерлерінің арасында KAUST университетінің геномика және биоинформатика саласындағы жетекші зерттеушілері Мара Микулан мен Мирко Челии, сондай-ақ Arizona Genomics Institute ассоциативті директоры Дарио Копетти бар. Барлығы 10 адам курсты аяқтап, тиісті сертификаттар алды.

Бүгін біз Қозыбаев университетінде жаңа материалдар мен күкіртті өңдеу саласындағы энергияны үнемдеп, деректерді сақтауға және тұрақты болашақ технологияларын жасауға қолданылатын зерттеулерімен танылған, әлемге әйгілі ғалымды, Аризона университетінің профессоры Джеффри Пьюнды және постдокторант  Шамиль Саиевты қарсы алдық. Профессор Пьюн Қазақстанға алғаш рет келіп отыр. Оның қазіргі сапары біздің университеттеріміз арасындағы Қазақстанда күкірт-полимер технологияларын енгізу бойынша бірлескен жобамен байланысты. Университет басшылығымен, ғалымдармен және студенттермен кездесуде зерттеу деректері егжей-тегжейлі ұсынылды. Джеффри Пьюн бастаған ғалымдар балқытылған күкіртті полимерлерге және инфрақызыл линзаларға, литий-күкірт аккумуляторының компоненттері, коррозияға қарсы жабындар және баяу бөлінетін тыңайтқыштар сияқты жоғары құнды өнімдерге айналдыратын озық кері вулканизация технологиясын жасады. Технология 11 патентпен қорғалған, 70-ден астам ғылыми басылымдармен қолдау тапқан және коммерциялық әлеуетке ие. «Мен үшін сіздердің ғалымдарыңызбен бірлесіп жұмыс істеу үлкен құрмет. Бұл әзірлемелерге 15 жылдан астам уақыт бойы қатысып келемін. Дегенмен, Қозыбаев университетімен бірлескен жобаның бастапқы кезеңіне  енді ғана қадам бастық. Қазақстан үшін экономикалық маңызға ие, өйткені, мұнай-газ өнеркәсібінің қосалқы өнімі болып табылатын күкірт негізінен шикізат түрінде экспортталады. Біздің жобамыз оны жаңа инновациялық әзірлемелерде пайдалануға мүмкіндік береді. Күкірт - пластмасса немесе тыңайтқыштар өндіру үшін пайдалануға болатын салыстырмалы түрде арзан ресурс», - деп бөлісті профессор Джеффри Пьюн. Бүгінде Қазақстан элементарлы күкірт өндірісі бойынша әлемде жетінші орында, жылына шамамен 4,3 млн тонна өндіреді. Алайда, күкірттің шамадан тыс жиналуы, әсіресе мұнай кен орындарындағы өндірістің өсуін ескере отырып, экологиялық қауіп тудырады. Сондықтан шикізат экспортынан озық өңдеуге және инновациялық, жоғары қосылған құнды күкірт құрамдас материалдарды өндіруге көшу міндеті маңызды. «ҚР ҒЖБ министрлігінің аймақтық университеттен зерттеу университетіне айналу стратегиясын жүзеге асыру барысында біз елімізде алғашқы болып академиялық бағдарламаларды енгізуден жаһандық зерттеу жобаларын жүзеге асыруға көшуді бастадық. Қазіргі уақытта бірлесіп техникалық сипаттамаларды әзірлеп жатырмыз және тиісті министрліктің мегагрантына қатысуды жоспарлап отырмыз (шамамен 4 миллиард теңге). Тек осы жазда Ақтауда мұнай өндіру саласы бойынша ғылыми-технологиялық сессия өтті, онда 72 жоба қарауға ұсынылды. Нәтижесінде, тек төртеуі ғана тізімге енді. Олардың қатарында біздің «Қазақстанда күкірт-полимер технологияларын енгізу» жобасы бар»,- деді  Басқарма Төрағасы- Ректоры Ербол Исақаев. Жобаны үш бағытта жүзеге асыру жоспарланған: күкірттен жоғары технологиялық пластмассаларды өндіру, инновациялық тыңайтқыштар және кеннен қалдық бағалы металдарды алу үшін күкіртті пайдалану. Сонымен қатар, Қозыбаев университетіндегі жобаға элементарлы күкірт қасиеттерін зерттеу жөніндегі ғылыми-зерттеу орталығын құру, зертханалар ашу, жабдықтарды сатып алу, бірлескен зерттеулер жүргізу және студенттер мен ғылыми алмасу бағдарламалары арқылы кадрларды оқыту кіреді, бұл ғылыми және өндірістік экожүйені дамытудың негізін қалайды. Профессор Пьюн университет студенттеріне қонақ дәрісін өткізді. Дәріс барысында ғалым қайта өңделген күкіртке негізделген экологиялық таза материалдарды әзірлеудің заманауи тәсілдерін ұсынды. Дәрісте шикізатқа негізделген ,құнды өнімдер өндірісіне көшудің перспективалары талқыланды. Күкіртті полимерлеу технологияларына және оларды Қазақстанда қолдану әлеуетіне ерекше назар аударылды. Қазақстанның экологиялық жағдайын жақсарту үшін блоктық күкірт кен орындарын пайдалану мүмкіндігі зерттеледі.

Қозыбаев университеті мектеп оқушылары үшін Ашық есік күндерін нағыз мерекелік іс-шараға айналдырды. Оқытушылар мен студенттер талапкерлерді жылы қарсы алып, олардың қызықтырған сұрақтарына жауап беруге тырысты. Жалпы барлығы 300-ге жуық оқушыға қабылдау талаптары, шәкіртақы мүмкіндіктері түсіндіріліп,  университет өкілдерімен тікелей пікір алмасу мүмкіндігі берілді. Ашық есік шарасы қала мен аудан мектептерінің оқушылары үшін аудиториялардағы квест тапсырмаларынан басталды. Педагогикалық факультеттің студенттері төрт станция бойынша 90 мектеп оқушыларын студенттік өмірмен, академиялық ұтқырлық және білім беру бағдарламаларымен таныстырды. Академиялық мәселелер жөніндегі Басқарма мүшесі Айгуль Нурпеисованың айтуынша Педагогикалық факультетке түсетін талапкерлердің мүмкіндіктері мен артықшылықтары айтарлықтай жоғары: «Осындай мүмкіндік сіздердің білім беру бағдарламаларына түсуіңізді жеңілдету үшін СҚО  Білім беру басқармасы және әдістемелік орталықпен бірлесіп жүзеге асырылуда. Яғни, бұл білім алушылар қатары педагогикалық мамандық бойынша оқуға ниет білдірген талапкерлер». ЖОО студенттері оқушыларға зейіні мен зердесін шыңдайтын интерактивті ойындар ойнатты. Талапкерлер ойынға қызыға қатысты. Кеш соңында белсенді қатысушылар университеттің брендтік сыйлықтарын алды.

ҚР Ғылым және жоғары білім Министрлігімен және «1С Қазақстан» компаниясымен ынтымақтастық туралы меморандум аясында біздің ЖОО-ға 15 дербес компьютерге сертификат алды. Экономика саласында цифрландыруды қолдау және білікті кадрлар даярлау үшін ЖОО-ға жабдық ұсынылды. Айтып өткен жөн, 2021 жылы оқу ордамызда еліміздегі алғашқы 1С сертификатталған оқыту Орталығы құрылды.  Университетіміз орталықты брендтеу үшін «1C Қазақстан» грантын жеңіп алды. Осы мақсатта мамандандырылған бағдарламалық жасақтама сатып алынды, кабинет тиісті түрде жабдықталды. Ал «Экономика және есеп» кафедрасының оқытушылары 1С-қайта даярлаудан өтіп, енді білім беру қызметін жүзеге асыруда: М.М. Валиева, Н. Б. Абдрахманова, О. С. Абдулова. Орталықта тек экономикалық мамандықтар ғана емес, басқа да студенттер білім ала алады. Оқуды бітіргеннен кейін олар дипломға қосымша алады, бұл оларға жұмысқа орналасуда үлкен мүмкіндіктер береді. Орталық аймақтағы тәжірибелі бухгалтерлерге 1C сертификаттарын тапсырып, оқытуды жүзеге асырады.  Барлығы 52 адам оқудан өтті.

ҚР Республика күніне орайластырылған  Студенттік спорт лигасы аяқталды.  Үш күн ТжӘИ факультеті және Халықаралық кампустың командалары волейболдан (әйелдер) және футзалдан (ұлдар) ең мықты ойыншыларды анықтау үшін бақ сынасты. Алғашқы кезеңнен финалға дейін ойын қызу өтті. Әрбір құрама жеңіске деген жігерін, нағыз командалық рухын көрсетті. Волейбол жарысына жеті команда қатысты:1-ші орын - ПФ2-ші орын - AФ3-ші орын - МЖҒФ Ең үздік шабуылшы МЖҒФ, Б-25к Ақнұр Бектұрған, ал ең үздік ойыншы ПФ, ФКС-24-2 Анель Қожахметова атанды. Футзал жарысы ОЗК маңындағы алаңда өтіп, тартысқа толы болды. Тоғыз команда бақ сынасты. Нәтижесінде МЖҒФ пен ПФ арасындағы финалдық ойын 3:3 есебімен тең аяқталды. Дегенмен, 5:3 есебімен МЖҒФ студенттері жеңіске жетті. ТжӘИ 3 орынды иеленді. Үздік шабуылшы ПФ,ФКС-22к Рауан Алдамасов атанды. Тіл және әдебиет институтының ТжӘИ -22к-2 Нұртай Қалмұхамадәлі үздік ойыншы атанды. Бұл турнир тек жарыс емес- достық пен әділ бәсекелестіктің үлгісі. Қозыбаев университетінің спорттық алаңында ел намысын қорғайтын болашақ спортшылар шыңдалады.